Macintosh_HD_Desktop_Folder_LUCE_peinture_JPEG_Le_Moine_en_marche

LA BALLADE des PENDUS
**********************************

Macintosh_HD_Desktop_Folder_pendus

Frères humains qui après nous vivez N'ayez les coeurs contre nous endurciz, Car, ce pitié de nous pauvres avez, Dieu en aura plus tost de vous merciz. Vous nous voyez ci, attachés cinq, six Quant de la chair, que trop avons nourrie.

Macintosh_HD_Desktop_Folder_ART_et_fantastique_Bosch_detail

Elle est piéca devorée et pourrie, Et nous les os, devenons cendre et pouldre. De nostre mal personne ne s'en rie: Mais priez Dieu que tous nous veuille absouldre! Se frères vous clamons, pas n'en devez Avoir desdain, quoy que fusmes occiz Par justice. Toutefois, vous savez Que tous hommes n'ont pas le sens rassiz;

Macintosh_HD_Desktop_Folder_ART_et_fantastique_606px_J_C3_A9r_C3_B4me_Bosc

Excusez nous, puis que sommes transsis, Envers le filz de la Vierge Marie, Que sa grâce ne soit pour nous tarie, Nous préservant de l'infernale fouldre Nous sommes mors, ame ne nous harie; Mais priez Dieu que tous nous vueille absouldre! La pluye nous a débuez et lavez, Et le soleil desséchez et noirciz: Pies, corbeaulx nous ont les yeulx cavez Et arraché la barbe et les sourciz. Jamais nul temps nous ne sommes assis;

Macintosh_HD_Desktop_Folder_ART_et_fantastique_Jeromebosch1510

Puis ca, puis là, comme le vent varie, A son plaisir sans cesser nous charie, Plus becquetez d'oiseaulx que dez à couldre. Ne soyez donc de nostre confrarie; Mais priez Dieu que tous nous vueille absouldre! Prince Jhésus, qui sur tous a maistrie, Garde qu'Enfer n'ait de nous seigneurie: A luy n'avons que faire ne que souldre. Hommes, icy n'a point de mocquerie; Mais priez Dieu que tous nous vueille absouldre!

François VILLON

Né à Paris en 1431
Décédé en ??? vers 1463

Macintosh_HD_Desktop_Folder_Francois_Villon

Macintosh_HD_Desktop_Folder_Fran_ois_Villon